Home » Arimaha Bulshada » Top: Dumarka oo la ogaaday inay Fir-fircooni dheeraad ka helaaan Xanta iyo Isku dirka

Top: Dumarka oo la ogaaday inay Fir-fircooni dheeraad ka helaaan Xanta iyo Isku dirka
Waxaa Qoray: Salman Abdullahi /////////// Taariikh: 18-08-16 9:11 AM

Cilmibaaris lagu sameeyey dalka Ingiriiska ayaa ay ka soo baxday natiijo sheegaysa in, dira-diraalaha iyo warka la kala qaadaa ay dumarka ku abuurto firfircooni iyo xaalad nafsiya oo dareensiisa in ay ku raaxaysanayaan ama farxad.

Daraasadan oo ay diyaariyeen aqoonyahano ka tirsan jaamacadda Michigan ee dalka Maraykanku waxa ay sheegtay in isku dirka  iyo warka badani ay firfircooneeyaan shaqada hormoonka Progesterone oo ka masuul ah hoos u dhigidda iyo daweynta walwalka iyo xanaaqa nafsiga ah ee dumarka ku dhaca, Hormoonkani waxa uu sidoo kale xoojiyaa isku xirnaanta iyo firfircoonaanta xiriirka bulsho ee dumarka u dhexeeya oo uu ka dhigo mid badhaadhe iyo farxad ka turjuma.

Wargeyska Daily Mail ee ka soo baxda dalka Ingiriiska ayaa sheegtay in cilmibaarayaashani ay ogaadeen in dumarku ay aad u xiiseeyaan ka sheekaysiga arrimaa khuseeya dumarka kale ee aan markaa la joogin iyo xanta saaxiibbadaha markaas ka maqan, sidoo kale waxaa sheekadooda in badan ay ku arkeen in ay ku badan yihiin ereyada noqon kara isku dirka iyo war u kala qaadista ee ay midiba tan kale uga sheegeyso inta maqan iyo macaariiftooda kale ee dumarka ah.

Stephanie Brown oo ah bare-jaamacadeed oo daraasaddan ka qayb qaadatay ayaa tiri, “In badan oo ka mid ah hormoonnada xoojiya xiriirka bulshada dhexdeedu, waxa uu hoos u dhigaa heerka diiqadda iyo walwalka ee qofka”